Saturday, October 1, 2011
या झाडाचं नाव काय?
कुठलंही झाड पहिल्यांदा बघताना तरू विचारणारच,
"या झाडाचं नाव काय?"
त्याच्या या सवयीमुळं कितीतरी झाडं त्याच्या ओळखीची झालीयत.
तीच झाडं अनेक ठिकाणी भेटल्यामुळं होणारा आनंद सुध्दा आहेच.
सोनचाफा,सोनटक्का अशी नावं घेताना त्याला वेगळीच गंमत वाटत असते.
भिंतीवरच्या चित्रातल्या नारळाच्या झाडावर चढून नारळ काढणं तर खूपच आवडीचं काम आहे
झाडाचं चित्र काढणं तर सुरूच असतं!
केळीच्या पानांनी मोराचा पिसारा तयार केला तर कसा दिसेल?
तसंच एक झाड दिसलं तेंव्हा तरुने विचारलेलं,
"या झाडाचं नाव काय?"
त्याने ते नाव बरोबर लक्षात ठेवलेलं.
तेच झाड एकदा सहलीला गेल्यावर दिसलं तेंव्हा तो म्हणालाच,
"बनाना पाम!"
Subscribe to:
Posts (Atom)