Thursday, January 26, 2012
मी विंगेतून आलो!
गेल्याच्या गेल्या वर्षी
‘छोटीशी सुरुवात ’या नावाचं नाटक आम्ही केलेलं.
तेंव्हा तरूने ते मांडीवर झोपून ऐकलेलं.
गेल्या वर्षीचं ‘१२ विरूध्द२१’ हे त्याने बसून बघितलं.
आणि नंतर चालायला यायला लागल्यावर आठवून करूनही दाखवलं.
मला वाटतं हे मागे मी तुम्हाला सांगितलेलंच आहे.
या वर्षी तर तरूने नाटकात कामही केलं.
त्याला रंगमंच,विंगा,स्पॉट,हे कळायला लागलं.
येता जाता, आपल्याला हे सगळं कसं माहिती झालंय
हे त्याला सगळ्यांना सांगायचंही असायचं.
मग तो म्हणायचा,
"आई,मी विंगेतून आलो"
Subscribe to:
Posts (Atom)