तरू हा माझा सर्वात छोटा मित्र. नुकताच चालायला शिकलाय.बोलायला शिकतोय. आणखी काय काय रोज नवीन शिकतोय. त्याच्या गोष्टी बघणं,ऐकणं ही मोठी करमणूक आहे. ती तुमच्यापर्यंत पोहचावी म्हणून.. तरू, राहुल आणि रुपाली यांचं मिळून झालंय ‘तरूरारू’!
Thursday, January 26, 2012
मी विंगेतून आलो!
गेल्याच्या गेल्या वर्षी
‘छोटीशी सुरुवात ’या नावाचं नाटक आम्ही केलेलं.
तेंव्हा तरूने ते मांडीवर झोपून ऐकलेलं.
गेल्या वर्षीचं ‘१२ विरूध्द२१’ हे त्याने बसून बघितलं.
आणि नंतर चालायला यायला लागल्यावर आठवून करूनही दाखवलं.
मला वाटतं हे मागे मी तुम्हाला सांगितलेलंच आहे.
या वर्षी तर तरूने नाटकात कामही केलं.
त्याला रंगमंच,विंगा,स्पॉट,हे कळायला लागलं.
येता जाता, आपल्याला हे सगळं कसं माहिती झालंय
हे त्याला सगळ्यांना सांगायचंही असायचं.
मग तो म्हणायचा,
"आई,मी विंगेतून आलो"
Subscribe to:
Posts (Atom)