Friday, July 8, 2011
‘धबाsssक’
तरुला असले शब्द फार आवडतात.
म्हणजे ज्या शब्दांमध्ये जोरदार कृती
जणू चित्रबध्द केलेली असते.
उईंssग,टुईंssग..वगैरे..
असे शब्द त्या त्या वेळी अचानक सुचतात.
ते शब्दकोषात मिळण्याची शक्यता नसते.
गाडी कशी गेली?
तर सुर्र्र्र्र्र्र्र्र्र्र्र्र्र्कन...!!
कदाचित असे शब्द लिहायला प्रत्येक वेळी जमणारही नाही.
फुलपाखरू कसं उडतं?
तर ‘.......’
काय लिहावं?
तरू या प्रश्नाला उत्तर द्यायचं तर
जोराने हात हलवत कसा कसा धावत राहतो.
आणि एका ठिकाणी बसत म्हणतो,
"मी आता फुलावर बसलोय. मी आता मध पिणार.."
‘तळ्यात-मळ्यात’या खेळाच्या निमित्तानं
तरू उडी मारायला शिकला.
आणि मग ‘धबाssक’ हा शब्द आपोआपच
उडीच्या सोबत तोंडात बसला.
`एsss धबाssक’ या शब्दाबरोबर
योगेश मामाची आठवण पण जोडलेली आहे.
त्याबद्द्ल पुन्हा कधी...
Subscribe to:
Post Comments (Atom)
No comments:
Post a Comment