रुपालीची पण खरंच कमाल आहे.
तरुबरोबर ती गाण्याच्या भेंड्या खेळते!
म्हणजे तरुच्या माहितीतल्या गाण्यांच्या भेंड्या.
आता दोन वर्षाचा असला तरी
तरु म्हणत असलेल्या गाण्यांची यादी केली
तर आश्चर्य वाटेल एवढी आहे.
त्याला मराठी आणि इंग्रजी मुळाक्षरही ओळखीची आहेत.
काही शब्द तो वाचतोही.
त्याला हे सगळं गमतीचं वाटतं.
खेळताना दोन पक्ष असले तरी
रुपाली दोन्ही पक्षातून गाणार हे तर नक्कीच.
कुणावर काय अक्षर आलं हे पण सारखं
बोललं जात असणार.
हळुहळू तरुला खेळ कळतोय.
अमुक एक गाणं अमुक अक्षरानं सुरू होतंय.
शेवटी अमुक अक्षर आलं वगैरे..
त्या दिवशी भेंड्याच्या खेळात
त्याने आईची गंमतच केली.
तो म्हणाला,"आई,तुझ्यावर क्ष आलाय!"
क्ष वरून सुरू होणारं गाणं आठवायला
किती वेळ लागला ते माहीत नाही.
भेंडी चढली असणार...
तुम्हाला आठवतंय का एखादं गाणं क्ष वरनं?
No comments:
Post a Comment