वजीर कुठे राहतो?

तरुला आता बुध्दीबळातल्या सोंगट्या ओळखीच्या झाल्यायत.
अजून खेळ काही कळत नाही म्हणा, आणि ते थोडं अवघडच .
पण निदान पात्र परिचय तरी झालाय!
महिन्याभरापूर्वीची गंमत सांगतो.
तरू आणि रुपाली काही चित्रं बघत बसलेले.
ताजमहालाचं चित्र बघताना
रुपाली सांगत होती,"तरुली,हा आहे ताजमहाल!"
ती पुढे सांगत राहिली,"महाल म्हणजे मोठं घर..तिथं राजा राहतो"
तरू विचार करत होता.
त्याला अलिकडे एका राजाची ओळख झालीच होती,
बुध्दीबळातल्या राजाची.
तो लगेच म्हणतो कसा,"वजीर कुठे राहतो?"
मग ओळीने बरेच प्रश्‍न आले.
प्रश्‍नांचा भाता भरलेलाच असतो नेहमी.
"घोडा कुठे राहतो?","हत्ती कुठे राहतो?"....