वळणावरची बस

तरू: हं,आता एक आयत काढायचा.

(तरुला आयत,चौरस,वर्तुळ,शंकू,या संकल्पना किती लहान असल्यापासून कळ्ल्या आहेत!
मला तरी वाटतं दोन वर्षाचा वगैरे असताना मला हे नव्हतं माहित.
अजूनही लोक म्हणतातच ना,‘लहान मुलांना कुठे कळतं?’
पण मला वाटतं सांगेल ते सगळं कळतंच त्यांना.
आपण सांगायला आळस करतो.
आणि सगळं शिक्षकांनीच शिकवावं अशी वेडी
अपेक्षा ठेवतो.)
मी: हं,काढला.
तरू:आता खिडक्या..ड्रायव्हरची खिडकी मोठी काढायची.
दरवाजा कधी मागे असतो,कधी पुढे पण असतो.
आता चाकं काढा. आणि हाsss रस्ता!
(रस्त्याची रेष थोडी खूपच वाकडी येते.माझ्या हे लक्षात आल्याच बघून तो हसतो.
आणि म्हणतो..)
बस वळणावरनं चाललीय.
मी: अरे खरंच की!!