जमिनीच्या खाली काय काय आहे?
आभाळात काय असतं?
पाऊस कसा पडतो?
शाळेत कशासाठी जातात?
हे आणि असे सतराशे साठ प्रश्न
विचारताना तरुला पाह्यलंय.
सगळ्याच गोष्टींबद्दल प्रचंड कुतुहल असतं
त्याला.किंबहुना सगळ्याच मुलांना असावं ते.
या प्रश्न विचारण्य़ाच्या त्याच्या सवयीमुळं
त्याला किती काय काय माहिताय या वयात!
चार वर्षाचा तरू डायनासोर,त्यांचे शंभर प्रकार,अवकाश,
तारे,लाव्हा,ज्वालामुखी,शरीर-रचना,प्राणी,सगळे महासागर,
समुद्रतळाची गंमत,बघितलेल्या सिनेमांच्या गोष्टी,
विमानं,गाड्या,पाणबुड्या,
अशा किती तरी गोष्टी सांगत असतो.
खरंच वाटत नाही.
शंभराच्या वर पुस्तकं बाळगणारा,चाळणारा
‘वाचणारा’,इतका अभ्यासू छोटा वाचक
मला अचंबित करतो!
No comments:
Post a Comment