कोवळे क्षण

लहान बाळाचं बघणं,हसणं,दिसणं
हे आणि हेच असतं सगळ्यांच्या मनात
त्या पहिल्या काही दिवसात.
ते शानुलं,छकुलं बाळ प्रत्येकालाच जवळ हवं असतं.
झोपलं असलं तरी त्याचं झोपेतलं हसणं बघण्यासाठी
त्याच्याकडे नजर लावून बसतात सगळे.
त्याचं भुवई उडवणं,जांभई देणं,मान हलवणं,
सगळ्यावर चर्चा होत असते.
त्याचा मऊ मऊ स्पर्ष
हवा हवासा वाटत असतो.
त्याच्या मुठीत बोट देवून बसावंसं वाटत असतं.
आईसाठी ते सगळे कोवळे क्षण
किती सुखाचे असतील नाही?