Tuesday, October 26, 2010
झिम्मा
झिम्मा हा किती गमतीचा खेळ आहे नाही?
आपल्या शरीराचा तोल आणि ताल सांभाळत
गाणं म्हणायचं आणि टाळ्या देत घेत नाचत रहायचं!
मला खूप मजा वाटते अशा टाळ्या वाजवत गाताना.
लहानग्या तरूला नुसतं घेवून बसण्यापेक्षा त्याची
काही करमणूक करत बसायचो आम्ही.
तो अडीच-तीन महिन्याचा असताना तरुबरोबर झिम्मा
खेळायला लागलो.
आमच्या टाळ्या वाजवणं तो बघत होताच.
त्यानेही या खेळात रस घेतला.
तोही हात हलवू लागला.तालात.
त्याच्या बंद मुठीची टाळी हातावर घेताना केवढी मज्जा वाटली.
‘तरू झिम्मा खेळतो’ असं मी सांगायला लागलो ज्याला त्याला.
कुणाला ते खरं वाटत नसे आणि अजूनही वाटत नाही.
मला आणि तरुला मात्र नक्की माहीत होतं ते!
त्याच्या डोळ्यात स्पष्ट दिसत होतं ते.
खरं, मुलांच्या डोळ्यात किती काय काय दिसत असतं.
सगळं समजून घ्यायला हवं.
Subscribe to:
Post Comments (Atom)
No comments:
Post a Comment